వాటర్ బబుల్స్ కు రూ.70 వేలు
ఒక్కరూపాయి తగ్గించేది లేదన్న ఆసుపత్రి యాజమాన్యం
మంత్రికే రూ.5 వేలు డిస్కౌంట్ ఇస్తాం.. మీకెందుకు ఇవ్వాలి.. అని దురుసు ప్రవర్తన
ప్రజల తీవ్ర విమర్శలు
చర్యలు తీసుకోవాలి డిమాండ్
కరీంనగర్, నిఘా న్యూస్: ‘వైద్యోనారాయణ హరి’ అన్నారు. అంటే డాక్టర్లు దేవుళ్లతో సమానం అని అంటారు. కానీకొందరు వైద్యులు మాత్రం అధిక డబ్బుకు ఆశపడుతూ ప్రజలను తీవ్ర ఇబ్బందులకు గురి చేస్తున్నారు. కొన్ని అవసరాలకు అవసరం కంటే ఎక్కువ డబ్బును వసూలు చేస్తున్నారు. కరీంనగర్ లోని ఓ ప్రైవేట్ ఆసుపత్రి ఇటీవల చేసిన నిర్వాకంతో ప్రజల నుంచి తీవ్ర విమర్శలు వస్తున్నాయి. వాటర్ బబుల్స్ ట్రీట్మెుంట్ కోసం వచ్చిన కొందరి నుంచి నిబంధనల కంటే ఎక్కువగా వసూలు చేయడం చర్చనీయాంశంగా మారింది.
కరీంనగర్ లోని జిల్లా ప్రధాన ఆసుపత్రి రెండో గేట్ కు అపోజిట్ లో ఉన్న ఓ హాస్పిటల్ లో ఓ మహిళ వాటర్ బబుల్ సమస్య ఉందని కొన్ని రోజుల కింద ఆసుపత్రికి వచ్చారు. అయితే ఈ ఆసుపత్రిలోని ప్రధాన వైద్యులు వీటి ట్మీట్మెంట్ కోసం రూ.70 వేలు వసూలు చేసినట్లు సమాచారం. సాధారణంగా ఈ చికిత్స కు రూ.30 నుంచి 40 వేల లోపు అవుతుంది. కానీ బాధితులను అనసరంగా భయపెట్టి వారి వద్ద నుంచి 70 వేలు అడిగినట్లు సమాచారం. ఈ మొత్తం తాము చెల్లించలేమని తమకు కొంత డిస్కౌంట్ కావాలని ఓ జర్నలిస్టు ద్వారా కోరారు. కానీ దీనిపై వైద్యుల తీరుపై తీవ్ర విమర్శలు వస్తున్నాయి. ‘మంత్రి సిఫారసుకే రూ.5 వేలు డిస్కౌంట్ ఇస్తాం.. మీకెందుకు ఇవ్వాలి?’ అని దురుసుగా ప్రవర్తించారు. అంతేకాకుండాఇవ్వాల్సిందేనని డిమాండ్ చేసినట్లు బాధితులు గోడు వెల్లబోసుకున్నారు.
ఇదిలా ఉండగా ఎంతో పేరు మోసిన ఆసుప్రతి అయిన ఉండి వైద్యుల ప్రిస్క్రిప్షన్ ను హాస్పిటల్ కు సంబంధించిన పేపర్లో కాకుండా నార్మల్ పేపర్లపై రాయడం చర్చనీయాంశంగా మారింది. ఆసుపత్రికి సంబంధించిన లెటర్ లో రాయడం వల్ల తమ బాగోతం బయటపడుతుందని, అందువల్ల ఇలా ఊరు పేరు లేని పేపర్ల రాసి ఇవ్వడంపై పలు అనుమానాలకు తావిస్తోంది. ఇప్పటి వరకు పలు విషయాల్లోనూ వైద్యుల తీరు ఇలాగే ఉందని కొందరు బాధితులు వాపోతున్నారు. అయితే ఇప్పడు మిగతా ఆసుపత్రుల్లో కంటే రెట్టింపు వసూలు చేస్తూ ప్రజల నుంచి దోచుకుంటున్నారని ఆసుపత్రికి వచ్చేవారు ఆరోపిస్తున్నారు. ఈ విషయంపై వైద్యశాఖ కు చెందిన ఉన్నతాధికారి సైతం అసంతృప్తిగా ఉన్నట్లు సమాచారం. ఇప్పటికైనా ఇలా అత్యధికంగా డబ్బులు వసూలు చేసే వైద్యులపై చర్యలు తీసుకోవాలని ప్రజలు కోరుతున్నారు.
