హైదరాబాద్, నిఘా న్యూస్: తెలంగాణ ముఖ్యమంత్రి రేవంత్ రెడ్డి సంచలన వ్యాఖ్యలు చేశారు. శుక్రవారం ఢిల్లీ వెళ్లిన ఆయన మీడియా చిట్ చాట్ లో మాట్లాడారు.బీజేపీలో బీఆర్ఎస్ విలీనం తథ్యమని చెప్పారు. బీజేపీలో బీఆర్ఎస్ విలీనం అయిన తరువాత మాజీ సీఎం కేసీఆర్, మాజీ మంత్రులు కేటీఆర్, హరీశ్ రావులకు ఇచ్చే పదవులు ఏమిటో కూడా రేవంత్ రెడ్డి చెప్పారు.
కేసీఆర్ కు గవర్నర్ పదవి ఇస్తారని, కేటీఆర్ సెంట్రల్ మినిస్టర్ అవుతారని, రేవంత్ చెప్పారు. ఇక హరీశ్ రావు అసెంబ్లీలో అపోజిషన్ లీడర్ అవు తారని, బిఆర్ఎస్ కు ప్రస్తు తం నలుగురు రాజ్యసభ సభ్యులు, ఉన్నారని ఆయన ఏద్దేవా చేశారు.తెలంగాణ రాజకీయాల్లో గత కొద్దిరోజులుగా బీజేపీ లో బీఆర్ఎస్ పార్టీ విలీనం కాబోతుందని విస్తృత ప్రచా రం జరుగుతుంది. అయితే, బీఆర్ఎస్ వర్కింగ్ ప్రెసి డెంట్ కేటీఆర్ ఆ ప్రచారాన్ని తీవ్రంగా ఖండించారు.
బీజేపీలో విలీనం అయ్యే ప్రసక్తే లేదని తేల్చిచెప్పారు. బీజేపీ ఎంపీ, కేంద్ర మంత్రి కిషన్ రెడ్డి కూడా బీజేపీలో బీఆర్ఎస్ విలీనం అనే ప్రచారాన్ని ఖండించారు. తాజాగా సీఎం రేవంత్ రెడ్డి ఢిల్లీలో బీజేపీలో బీఆర్ఎస్ విలీనం తథ్యమని సంచ లన వ్యాఖ్యలు చేయడంతో తెలంగాణ రాజకీయాల్లో రేవంత్ వ్యాఖ్యలు సంచల నంగా మారాయి.
