అమరావతి, నిఘా న్యూస్:ఆంధ్రప్రదేశ్ ముఖ్యమంత్రి చంద్రబాబు నాయుడు సోదరుడు రామ్మూర్తి నాయుడు ఆరోగ్య పరిస్థితి విషమంగా ఉన్నట్టు తెలిసింది,ప్రస్తుతం హైదరాబాద్ లోని ఓ ఆస్పత్రిలో ఆయన చికిత్స పొందుతున్నట్టు సమాచారం.చిన్నాన్న ఆరోగ్య పరిస్థితి విషమంగా ఉండటంతో మంత్రి నారా లోకేశ్ హుటాహుటీన హైదరా బాద్ కు బయలుదేరారు. ఈ క్రమంలో ఈరోజు తన అన్ని కార్యక్రమాలను లోకేశ్ రద్దు చేసుకొని హైదరాబాద్ చేరుకున్నారు.
రామ్మూర్తి నాయుడు ఆరోగ్యం పరిస్థితిపై వైద్యులను అడిగి తెలుసుకున్నారు.సీఎం చంద్రబాబు నాయుడు ఢిల్లీ పర్యటనలో ఉన్నారు. ఇవాళ న్యూఢిల్లీలోని తాజ్ ప్లాలెస్ లో జరిగే మీడియా కాన్‌క్లేవ్ లో పాల్గొంటారు. మధ్యాహ్నం 2గంటలకు ఢిల్లీ నుంచి మహారాష్ట్రకు చంద్రబాబు బయలుదేరు తారు.
సాయంత్రం 5.30 గంటలకు మహారాష్ట్ర ఎన్నికల ప్రచారంలో భాగంగా థానే చేరుకుం టారు. ఆదివారం సాయంత్రం వరకూ మహారాష్ట్ర ఎన్నికల్లో ఎన్డీయే కూటమి తరపున పలు నియోజకవర్గాల్లో చంద్రబాబు ప్రచారం చెయ్యనున్నారు.అయితే, నారా లోకేశ్, రామ్మూర్తి నాయుడు కుటుంబ సభ్యులతో ఫోన్లో మాట్లాడి తన సోదరుడి ఆరోగ్య పరిస్థితిపై చంద్రబాబు వివరాలు అడిగి తెలుసుకున్నట్లు తెలిసింది.
